CLE Store

Center for Language Engineering

[ Text Corpora ] [ Image Corpora ] [ Lexical Resources ] [ NLP Applications ]

CLE is making these linguistic resources available without cost for supporting academic, non-commercial research. The processing fees being charged will be used to maintain these resources. You are requested to contact CLE directly for any discounts (applicable only for selective public organizations in Pakistan) or for commercial licensing options.

CLE Urdu Digest Corpus 1M

[ Pakistan ] [ International ]

Source:	Urdu Digest
CLE Catalog #:	CLE12T003
Release Date:	22 June 2012
Data Type:	Text
Language(s):	Urdu
Distribution:	1 DVD, Web Download
Processing Fee (Pakistan):	30000 PKR
Processing Fee (International):	250 USD
License:	Yes

Introduction

CLE Urdu Digest Corpus is a one Million words collection of written Urdu language from a wide range of domains, designed for the purpose of linguistic research and/or the development of language products. Corpus covers a range of subjects including education, health, politics, international affairs, sports, business, humor and literature. CLE Urdu Digest Corpus is divided into two major categories i.e. Informational (80%) and Imaginative (20%). The Informational part includes texts from letters, interviews, press, religion, sports, culture, entertainment, health and science. The Imaginative part includes texts from short stories and novels, translation of foreign literature and book reviews.

Data Source

The data for this corpus construction has been taken from Urdu Digest and it ranges between years 2003-2011. Whereas Urdu Digest is a leading general-interest Urdu magazine, with a history of fifty-two years of publication.

Data

The data is distributed in 1000 UTF-8 files and is arranged according to the above mentioned genres. Each file contains minimum one thousand words.

Sample

		شگفتگی تیر انام مختار زمن!

جناب سیدضمیر جعفری نے مختار زمن کی کتاب ’گفتنی ناگفتنی‘ کا دیباچہ لکھا تو  اسے بھی برجستگی اور شگفتگی کا شاہکار بنا دیا۔ اسے پڑھیے اور سر دھنیے

جناب مختار زمن نے جب ہمیں اپنی زیرنظر کتاب گفتی نا گفتنی کا دیباچہ لکھنے کو کہا تو ہم نے اس اعزاز کو اس طرح اچک لیا جس طرح ہمارے زمانے کی کرکٹ میں نذر محمدمشکل سے مشکل گیند کیچ کر کے بغل میں دبا لیتا تھا۔ ہم نے بھی اس گیند  کو ہاتھ سے جانے نہ دیا۔ 
یہ جناب مختار زمن کے ہلکے پھلکے مضامین کا تیسرا مجموعہ ہے۔ان کی طرح راقم الحروف نے بھی عملی زندگی کا آغاز کوچہ صحافت سے کیا تھا اور پہلے ہی قدم پر ہمیں جو پہلی بات ہمارے ’’پیر و مرشد‘‘ (اردو زبان کے صاحب طرز ادیب اور ’لیجنڈ‘ صحافی) مولانا چراغ حسن حسرت نے صحافت میں اپنے پیرو مرشد مولانا ابوالکلام آزاد کے حوالے سے بتائی وہ یہ تھی کہ خبر کے متن میں جوالا بلا بھی لکھو مگر ’’خبر یہ لب لباب‘‘پہلے جملے میں قاری کوبتا دو۔
اس فارمولے کے تحت اس کتاب کے مسودہ کے مطالعہ کے بعد جو ’’جملہ خبریہ‘‘ کما کر ہمارے ذہن میں ابھرا وہ ہے:
’’شگفتگی تیرا نام مختار زمن‘‘
کتاب کا نام اردو کی آبائی خوشبو میں رچا ہوا ہے۔آج کل اردو کی کتابوں کے پورے کے پورے انگریزی کے نام دیکھنے میں آ رہے ہیں۔ اگر مختار زمن کوئی ایسا ہی نام رکھ دیتے تو اس بات کی وضاحت بھی ضروری ہو جاتی کہ یہ کتاب انگریزی میں نہیں اردو میں ہے کیونکہ مختار زمن دونوں زبانوں کے ’’ابن انشاء‘‘ مانے جاتے ہیں۔ البتہ یہ فرق ضرور ہے کہ انگریزی میں ان کی روٹی بولتی ہے اور اردو میں ’’بوٹی‘‘ تھرکتی ہے۔ چنانچہ ان کی انگریزی تحریر میں بھی اردو اسی طرح چلتی پھرتی محسوس ہوتی تھی جس طرح ہندوستان میں انگریزوں کے زمانے میں خان بہادر اور رائے بہادر وغیرہ انگریزوں کے اندر اتر جاتے تھے۔
ہم نے پنجاب میں پہلی مرتبہ مختار زمن صاحب کا نام ۱۹۴۰ء میں تحریک پاکستان کے ایک پرجوش کارکن‘ ایک ممتاز طالب علم لیڈر  اور ایک شعلہ بیان مقرر کی حیثیت سے سنا۔ اس کے بعد ان کا نام ۱۹۴۷ء میں کلکتے میں سنا۔ ہم فوج میں کپتان تھے اور عساکر کے شعبہ تعلقات عامہ میں خدمت انجام دے رہے تھے۔ کرنل مجید ملک جس کے دیسی سربراہ تھے اور کرنل فیض احمد فیض‘ میجر چراغ حسن حسرت‘ کیپٹن ن۔ م۔ راشد‘ کمانڈر حسن عسکری ‘ابن سعید‘ کیپٹن آغا بابر‘ کیپٹن مسعود شاہد جیسے شاعر و ادیب اور ممتاز علوی اور طیب حسین جیسے دانشور اس سررشتے سے وابستہ تھے۔
 ہم بھارت سے سنگاپور جاتے ہوئے کلکتہ ٹھہرے تو ہمارے محکمے کے مدراسی کرنل اونی نائیر (Uni Nayar) نے جن کا شمار بعد میں بھارت کے چوٹی کے صحافیوں میں ہوا‘ مقامی صحافیوں کے تذکرے میں روزنامہ مارننگ نیوز  کے ایک نوجوان کی تیکھی رپورٹنگ کا خصوصی طور پر ذکر کیا اور یہ تھے جناب مختار زمن۔ اس کے بعد ایک طویل عرصے کے بعد غالباً ۱۹۸۰ء میں جب زمن صاحب ’’اے پی پی‘‘ کے ڈائریکٹر جنرل ہو کر اسلام آباد میں مقیم ہوئے تو اردو شاعری کی ’’خاتون اول‘‘ محترمہ ادا جعفری کے ادبی سلسلے کی ماہانہ محفلوں میں ان سے ملنے اور ان کو قریب سے دیکھنے کا موقع ملتا رہا۔ سلسلہ کوئی باقاعدہ تنظیم نہ تھی بلکہ چند ہم ذوق احباب کی ایک ’’کھلی ڈلی‘‘ غیر رسمی چوپال تھی جس کے اجلاس ہر ماہ کسی نہ کسی ’’رفیق‘‘ کے گھر پر منعقد ہوتے۔ شرکاء اپنا اپنا کھانا گھر سے ساتھ لے آتے اور یہاں مل کر ایک دوسرے سے باتیں کرتے اور ایک دوسرے کا کھانا کھاتے۔پروگرام میں نظم و نثر کی طے شدہ چیزیں بھی پیش کی جاتیں مگر اصلی چسکا اس گفتگو میں تھا جو بے شک بے رخی ہوتی مگر بے رسمی نہ ہوتی۔
’’سلسلے‘‘ کی بیٹھکیں پہلے بھی بارونق تھیں‘ مگر مختار زمن کی شرکت سے تو گویا رونق کا سیلاب آ گیا۔ بالخصوص قوالی کی طرف سے ثقافت کا ایک نیا دروازہ انہی کی آمد پر کھلا جس کے نصرت فتح علی بھی وہی تھے۔مذاکراتی محور پرشوکت تھانوی اور ریڈیو پاکستان کے محمود نظامی کے سوا مختار زمن کی سی موسلادھار شگفتہ گفتگو کرنے والا کلوئی دوسرا مزاح نگار ہماری نظر سے نہیں گزرا اور وہ جس محفل میں ہوتا ہے جان محفل ہوتا ہے۔ ان کی محفل آرائی کے کرشموں سے یہ فوجی کہاوت بھی باور آ گئی کہ اکیلے نپولین کو کیوں فوج کی ایک پوری ’’کور‘‘ کے برابر کہا جاتا تھا۔
خواندہ گرامی!
کتاب آپ کے ہاتھوں میں ہے۔ ہم اس سے اقتباسات نقل نہیں کر رہے۔ ان کے کس کس پارے کو نظرانداز کیا جائے گا اور مزاح کے کس کس پیرائے اور رائے کی حق تلفی کی جائے گی پھر ہمیں کچھ ثابت بھی تو نہیں کرنا‘ ادب کا شاید یہ وظیفہ بھی نہیں کہ وہ ضرور کچھ ثابت ہی کرے۔ 
ہمیں جناب مختار زمن کے مزاح میں کسی مسحور کر دینے والے داستان گو کا جادو  رواں دواں محسوس ہو رہاہے۔ ان کے فن نے بھی خود انہی کی طرح گھاٹ گھاٹ کا پانی پی رکھا ہے۔ چنانچہ یہ دریا  کی ندی سے چھلک کر بہتا ہے اس میں سقراط بقراط‘ جمن‘ کلن‘ فلسفہ و بذلہ‘ معاشرہ مفاسدہ‘ الغرض زندگی اور فکر کی تمام دھوپ چھاؤں موجود ہے مگر یہ سب سودا کسی دکان میں سجا ہوا نہیں بلکہ کسی کھیت میں پھولوں اور پودوں کی طرح اگتا ہوا معلوم ہوتا ہے۔ ان کے اس کمال کا بھی اعتراف کرنا چاہیے کہ مختار زمن اپنی صحافت کی عمر اور اپنے ادب کی عمر کو الگ الگ بسر کرنے پر قادر ہیں ورنہ ان کی دکان ہمارے گاؤں کے بابا منگل سنگھ کی دکان بن جاتی کہ چینی کی پوٹلی کھولتے تو اس میں سے چنے کی دال نکل آتی۔ ان کی ظرافت کا پیٹ بھرا ہوا تو ہے مگر پھولا ہوا نہیں‘ وہ اپنے موضوع کو کچھ ایسے سدابہار قرینے سے بیان کرتے ہیں کہ افادیت ختم بھی ہو جائے تو ضرورت ختم نہیں ہوتی۔

webmaster@cle.org.pk